"Google"ning 7 siri. Har birimiz internet olamidan ma'lumot qidirishda googledan foydalanamiz. Bir qarashda google dan foydalanishning umuman qiyin joyi yo'qdek-istagan narsangizni yozasiz, qidirish tugmasini bosasiz-tamom vassalom. Lekin googlening quyidagi sirlarini bilib olsangiz, undan foydalanish yanada oson va qulay tuyiladi.
1. Aniq bir jumlani qidirayotgan
bo'lsangiz, qo'shtirnoqdan foydalaning. Masalan, "eng baland bino”. Google aynan shu jumla mavjud bo’lgan
saytlarni topadi.
2. Aniq bir sayt miqyosida
qidirayotgan bo’lsangiz, “site:”
funkciyasidan foydalaning. Masalan, nokia
asha site:torg.uz deb qidiruvga
bersangiz, aynan torg.uzdagi e’lonlar ichidan nokia ashani topasiz.
3. Agar siz aniq bir fayl turida
ma’lumot qidirayotgan bo’lsangiz, “filetype:”ni
ishlating. Masalan, O’zbekiston tarixi
filetype:pdf deb yozib qidiruvga bersangiz, faqatgina PDF formatidagi ma’lumotlar
chiqadi.
4. Sizga yoqqan saytga o’xshash
boshqa saytlarni topmoqchi bo’lsangiz, related:
va o’zingizga yoqqan sayt nomini yozing. Masalan: related:gazeta.uz.
5. Bu usul asosan sayt egalari va
bloggerlarga foydali. Agar sizning blogingizga yoki saytingizga qayerda link
berilganini bilmoqchi bo’lsangiz, link:
funkciyasini ishlating. Masalan, link:hayotiy.blogspot.com.
6. Qidirilayotgan jumlaning
sinonimlarini ham qidirish ~ belgisi
ishlatilgan holda amalga oshiriladi. Masalan, ~til o’rganishning oson yo’llari.
7. Agar sizga ma’lumotning you nisi
yo bunisi kerak bo’lsa, or funkciyasidan
foydalaning. Masalan, o’zbek
yozuvchilari or o’zbek shoirlari.